Live Reporting । किरीट सोमय्या आणि शिवसैनिकांचा राडा
पुणे : भारतीय जनता पक्षाचे माजी खासदार किरीट सोमय्या (Former Bharatiya Janata Party MP Kirit Somaiya) हे भ्रष्टाचाराचे प्रकरणे बाहेर काढून महाविकास अघाडी सरकारमधील (Government in front of Mahavikas) मंत्री आणि नेत्यांवर आरोप करुन कारवाईची मागणी करतात. असा आरोप मुख्यमंत्री उद्धव ठाकरे अध्यक्ष असलेल्या पुणे महानगर विकास प्राधिकरण म्हणजेच पीएमआरडीएने शिवाजीनगर दउभारलेल्या जम्बो कोविड सेंटरला मनुष्यबळ पुरविण्याच्या कंत्राटावरुन सोमय्या यांनी आरोप करत शिवाजीनगर पोलिस ठाण्यात तक्रार दिली. त्यानंतर ते महापालिकेत आले होते.त्यावेळी शिवसैनिकांनी गोंधळ घातला. त्यात सौमय्या जिन्यावरुन कोसळले. त्यात त्यांना इजा झाली. (Live Reporting। Rada of Kirit Somaiya Somaiya and Shiv Sainiks)
कोरोनाच्या पहिल्या लाटेत पीएमआरडीएने उभारलेल्या जम्बो कोविड सेंटरमध्ये मनष्यबळ पुरविण्याचे कंत्राट शिवसेनेचे खासदार संजय राऊत (Shiv Sena MP Sanjay Raut) यांच्या मुलींचे व्यवसायिक भागिदार सुजीत पाटकर Sujit Patkar यांच्या लाइफ लाइन मॅनेजमेंट सर्विसेस या कंपनीला दिले होते. परंतु या कंपनीला पुर्व अनुभव नव्हते. त्यामुळे अनेकांचा मृत्यू झाला, असा दावा सोमय्यांनी तक्रारीत केला आहे. (Live Reporting। Rada of Kirit Somaiya Somaiya and Shiv Sainiks)
Related Posts
जम्बो कोविड सेंटरमध्ये भ्रष्टाचार झाल्याची तक्रार सोमय्यांनी शिवाजीनगर पोलिस ठाण्यात शनिवारी दुपारी साडेचार वाजता प्रत्यक्ष केली आहे. त्यानंतर सोमय्या महापालिकेत जाणार असल्याचे जाहीर केले होते. त्यामुळे शिवसैनिकांनी त्यांना काळे झेंडे दाखवून निषेध करण्यासाठी शहरातील शिवसैनिक महापालिकेत जमा झाले होते. त्यामुळे महिलांची संख्याही मोठी होती. महापालिकेला दोन प्रवेशद्वार असून, दोन्ही दारांवर शिवसैनिक सोमय्यांची वाट बघत होते. साडेपाच वाजण्याच्या सुमारस झेड सुरक्षेसह दाखल झाले. त्याचवेळी प्रवेशद्वरावर असलेल्या शिवसैनिकांनी त्यांना रोखले. त्याचवेळी दुसऱ्या प्रवेशद्वारांवर असलेल्या शिवसैनिकही आले. त्यामुळे एकच गोंधळ उडाला.
जोरदार घोषणाबाजी सुरु झाली. शिवसैनिक आणि सुरक्षारक्षकांमध्ये झटापट सुरु होती. त्यावेळी सोमय्यांना सुरक्षित बाहेर नेण्यासाठी त्यांच्या अंगरक्षकांनी पायाऱ्यावरुन गाडीकडे नेत असताना ते पायऱ्यावर कोसळले. त्यानंतर त्यांनी गाडीतून संचेती हाॅस्पिटलमध्ये दाखल करण्यात आले. सोमय्यांना घेऊन जाणार्‍या वाहनावर शिवसैनिकांनी हाताने ठोसे मारले, काहींनी काळे झेंडे दाखवत किरीट सोमय्या विरोधात जोरदार घोषणाबाजी केली. तसेच त्यांची गाडी अडवण्याचा प्रयत्नही केला.
किरीट सोमय्यांच्या मनगटाला मार लागला आहे. घाबरल्यामुळे त्यांचा रक्तदाब वाढला होता. परंतु, काही वेळाना रक्तदाब पूर्वपदावर आला आहे. त्यांना कुठेही फ्रॅक्चर झालेले नाही. मुक्का मार लागला आहे. त्यामुळे उद्या सकाळपर्यंत त्यांना संचेती रुग्णालयात निगराणीखाली ठेवण्यात येईल आणि त्यानंतर डिस्चार्ज देण्यात येणार आहे.
– डॉ.पराग संचेती, संचेती हॉस्पिटल, पुणे.
कोरोनाच्या पहिल्या लाटेत पुण्यातील जम्बो कोविड सेंटर चालवण्याचे कंत्राट मुख्यमंत्री उद्धव ठाकरे अध्यक्ष असलेल्या पुणे महानगर विकास प्राधिकरणाने (पीमआरडीए) लाइफ लाइन मॅनेजमेंट सर्व्हिसेस या कंपनीला दिले होते. कोविड सेंटर सुरू असताना व्यवस्थापनाच्या हलगर्जीपणामुळे काही रुग्णांचा मृत्यू झाला आहे. त्यासाठी हॉस्पिटलचे व्यवस्थापन कारणीभूत असून लाइफ लाइन मॅनेजमेंट सर्विसेसचे मालक सुजीत पाटकर, मुख्यमंत्री उद्धव ठाकरे आणि पीएमआरडीएच्या अधिकार्‍यांवर मनुष्यवधाचा गुन्हा दाखल करा, अशी तक्रार सोमय्या यांनी शिवाजीनगर पोलिस ठाण्यात दिली आहे.
दरम्यान, भाजपचे प्रदेशाध्यक्ष चंद्रकांत पाटील यांनी सोमय्या यांच्यावरील हल्ल्याचा तीव्र शब्दात निषेध केला आहे. सरकार तुमचे आहे, कायदा आणि सुव्यवस्थेची जबाबदारी तुमची आहे. जर सोमय्या आरोप करत असतील तर ते खोटे आहेत हे सिद्ध करुन दाखवा, घोषणाबाजी आणि अंगावर धावून काय येता? असा खोचक सवाल पाटील यांनी केला आहे.
तक्ररारीनंतर सोमय्या म्हणाले…
लाइफ लाइन मॅनेजमेंट सर्विसेसचे मालक सुजीत पाटकर आणि पीएमआरडीएचे मुख्याधिकारी यांना तत्काळ अटक करण्यात यावी. मुख्यमंत्री उद्धव ठाकरे यांनी याबाबत स्पष्टीकरण द्यावे, अशी मागणी किरीट सोमय्या यांनी केली आहे. अजित पवार यांना पुरावे पाहिजे होते, त्यासाठी पुरावे आणले आहेत. पवार यांच्या निगराणीत हे कंत्राट दिले गेले आहे.त्यामुळे त्यांनीही याबाबत स्पष्टीकरण द्यावे. शिवसेनेच्या माफियांसाठी पैशांची उधळपट्टी सुरू असून, ते लोकांचे जीव वाचवू शकले नाहीत, असा गंभीर आरोप सोमय्या यांनी केला आहे.
महापालिकेत शिवसैनिकांनी सोमय्या यांना अडवण्याचा प्रयत्न केल्यानंतर त्यांना उपचारासाठी शिवाजीनगर येथील खासगी रुग्णालयात भरती करण्यात आले. त्यानंतर किरीट सोमय्या यांनी ट्वीट करत पुणे महापालिकेच्या परिसरात शिवसैनिकांच्या गुंडांनी माझ्यावर हल्ला करण्याचा प्रयत्न केला, असा आरोप केला आहे. (Live Reporting । Rada of Kirit Somaiya Somaiya and Shiv Sainiks)
