पुणे जिल्हा हा पर्यटनाचे हब म्हणून ओळखला जाईल –  जिल्हाधिकारी जितेंद्र डुडी

पुणे : पुणे जिल्हयात सर्व प्रकारची मोठ्या प्रमाणात पर्यटनाची स्थळे अधिक आहे. त्याला चालना देण्यात येणार आहे. त्यासाठी येत्या नोव्हेबरमध्ये कृषी पर्यटन परिषद आयोजित करण्यात येणार आहे. त्यामध्ये खाजगी विविध गुंतवणूकदारांना सहभागी होण्याची संधी मिळणार आहे. त्याच्या माध्यमातून शासन व गुंतवणूकदार एकत्र येऊन मोठ्या प्रमाणात पर्यटन केंद्रे विकसित केले जातील. त्यामुळे पुणे जिल्हा हा पर्यटनाचे हब म्हणून ओळखला जाईल (Pune district will be known as a tourism hub) असे प्रतिपादन जिल्हाधिकारी जितेंद्र डुडी (District Collector Jitendra Dudi) यांनी केले. 

जिल्ह्यात प्रामुख्याने पानंद रस्ते मोठ्या प्रमाणात सुरू आहेत. सध्या जिल्हयासाठी काही प्रकल्प हाती घेतले आहे. पुण्यामध्ये कृषी क्षेत्रात काम करण्याची संधी आहे. कारण संशोधन संस्था, विज्ञान केंद्रे, प्रगतशील शेतकरी,  कृषी यंत्रणा (Research institutes, science centers, progressive farmers, agricultural machinery) आहे. हे सर्व घटक एकत्र आल्यास शेतीला व्यवसायिक रूप देऊ शकतो. देशात ज्या ज्या ठिकाणी चांगले काम झाले आहे. त्याचा अभ्यास केला आहे. त्यावर आधारित पुण्यातील पीकांचा पाच वर्षाचा आराखडा तयार केला आहे. त्यानुसार पिकांचे क्लस्टर तयार केले आहे. यामध्ये केळी, आंबा, अंजीर, स्ट्रॉबेरी, मका,सुर्यफूल अशा पिकांचा समावेश आहे. त्यामध्ये काही फार्मर प्रोड्यूसर कंपन्या काम करत आहे. त्या निर्यातीच्या दृष्टीने काम करत आहे. त्यांना प्रोत्साहन देण्यासाठी काम केले जात आहे. त्यासाठी शेतकऱ्यांना प्रशिक्षण देण्यासाठी शेतकऱ्यांची निवड केली आहे. जिल्हयात दहा सह्याद्री फार्मर कंपन्या तयार करण्यासाठी काम हाती घेतले आहे. यामध्ये कमी पाण्यामध्ये अधिक चांगले उत्पन्न घेण्यासाठी काम केले जाणार आहे. त्यासाठी जूनच्या पहिल्या आठवड्यात पहिली अॅग्री हॅकेथॉन घेण्यात येणार आहे. त्यामध्ये नवीन तंत्रज्ञान आधारलेल्या तंत्राला पहिले बक्षिस  २५ लाख रूपयांचे देणार आहे. त्याची सुरूवात खरीप हंगामात केली जाणार आहे. हा प्रकल्प चांगल्या पद्धतीने वापरल्यास ग्रामीण भागात चांगली अर्थव्यवस्था उंचावण्यास मदत होईल.

नागरिकांच्या तक्रारीच्या फाईल लवकर निकाली निघण्यासाठी नवीन तंत्रज्ञानाचा आधार घेतला जात आहे. त्यासाठी सॉफ्टवेअर तयार केले आहे. त्यामुळे कोणती फाईल कधी आली आहे, किती दिवसापासून फाईल पेंडिग आहे, हे समजणार असून त्यावर लवकर काम करण्यासाठी आदेश दिले आहे. त्यावर सर्वजण काम करत आहे.

 

घनकचरा, पाण्याचा आराखडा तयार करण्याचे काम सुरू 
जिल्हयात पुणे महानगरपालिका व जिल्हा परिषद एकत्र येऊन आराखडा तयार करण्याचे काम सुरू केले आहे. यामध्ये प्रामुख्याने घनकचरा, पाणी यांचा समावेश आहे. त्याचे नियंत्रण थेट मुख्यमंत्री यांच्याकडून केले जाणार आहे. येत्या काळात त्याचे चांगले परिणाम दिसून येतील. त्यासाठी नागरिकांनीही सहकार्य करणे अपेक्षित आहे. त्याबाबतच्या सूचना शासनाने दिलेल्या आहेत.