Pune Cantonment Assembly Constituency। पुणे कॅन्टोन्मेंट विधानसभा मतदारसंघावर आरपीआय आठवले गटाने केला दावा

परशुराम वाडेकर म्हणाले, केंद्रीय सामाजिक व न्याय राज्यमंत्री रामदास आठवले (Union Minister of State for Social Affairs and Justice Ramdas Athawale) यांच्या नेतृत्वाखाली संपूर्ण महाराष्ट्रात रिपब्लिकन पार्टी ऑफ इंडिया (आठवले) पक्षाच्या कार्यकर्त्याची फळी मजबूत आहे. आपल्याला सत्ता मिळवायची असेल तर काहीतरी तडजोड करणे आवश्यक आहे, या विचारातून आंबेडकरी चळवळीच्या विचारधारेच्या विरोधी असलेल्या राजकीय पक्षांशी युती करण्याचे धैर्य रामदास आठवले यानी दाखवले. या निर्णयाचा फायदा चळवळीतील नेते, कार्यकर्त्यांना कमी आणि भाजपला अधिक होत असल्याचे गेल्या १५ वर्षात दिसून आले.  यामुळे आंबेडकरी समाजात नाराजीचे वातावरण आहे. आमच्या पक्षाला लोकसभेला संधी नाही मिळाली, आता विधानसभा निवडणूकीत किमान १२ जागा मिळाव्यात ही पक्षाची भाजपकडे मागणी आहे. (Pune Cantonment Assembly Constituency was claimed by RPI Athavale group)

पुणे कॅन्टोन्मेंट विधानसभा मतदारसंघ अनुसूचित जातीसाठी राखीव असून, यामध्ये आंबेडकरी समाजाची मते निर्णायक आहेत, यामुळे इथे आम्हाला संधी मिळायला हवी. मी आजपर्यंत तीन वेळा विधानसभा निवडणूक लढली आहे. त्यामध्ये कॅन्टोन्मेंट मतदार संघ आहे. या तीनही वेळेला तिसऱ्या क्रमांकाची मते मिळविली आहेत, या ठिकाणाहून निवडणूक लढण्यास इच्छुक असल्याचे जाहीर केले.

         भाजपने आंबेडकरी चळवळीतून आलेल्या रिपाईच्या कार्यकर्त्याला उमेदवारी दिली तर महायुतीला पुणे जिल्ह्यासह पश्चिम महाराष्ट्रात मोठ्या प्रमाणावर फायदा होईल, असेही वाडेकर यांनी नमूद केले. गेली १५ वर्षे मध्ये भाजपाने महायुतीमधून एकही जागा रिपाईला दिली नाही यामुळे अगोदरच मोठी नाराजगी आहे जर या वेळेस संधी न मिळाल्यास याचा परिणाम निवडणुकीमध्ये झाल्याशिवाय राहणार नाही यामुळे आम्हाला सन्मानपूर्वक जागा देऊन आंबेडकरी समाजाच्या नाराजगी दूर करावी असे पत्र राज्य संघटन सचिव परशुराम वाडेकर यांनी प्रसिद्ध दिले आहे.