पुण्यातील पेट्रोल डीलर्सनी आंदोलन केले स्थगित ; केंद्रीय राज्य मंत्री मुरलीधर मोहोळ यांनी दिले आश्वासन
पुणे : पेट्रोल, डिझेल चोरी आणि वाहतुकीची निविदा चुकीच्या पद्धतीने राबविण्यात आली. ती रद्द करावी आणि इतर मागण्या मान्य करावे, या मागणीसाठी 15 ऑक्टोंबर पासुन पेट्रोल, डिझेल ची वाहतूक बंद केली होती. हे आंदोलन स्थगित करण्याचा निर्णय पेट्रोल डीलर्स असोसिएशनने घेतला आहे. (Protest by petrol dealers in Pune suspended)
पेट्रोल डीलर्स असोसिएशनने (Petrol Dealers Association) जिल्हाधिकाऱ्यांच्या अनेक बैठका आणि केंद्रिय राज्य मंत्री आणि खासदार मुरलीधर मोहोळ (Union Minister of State and MP Muralidhar Mohol) यांच्या विनंतीनंतर आंदोलन स्थगित करण्याचा निर्णय घेतला आहे, अशी माहिती देण्यात आली. हा प्रश्न पेट्रोलियम मंत्र्यांकडे घेऊन त्यावर तोडगा काढण्याचे आश्वासन मोहोळ यांनी असोसिएशनला दिले आहे. त्यांच्या विनंतीमुळे आणि सणासुदीचा काळ लक्षात घेऊन माननीय जिल्हाधिकाऱ्यांच्या विनंतीनुसार, असोसिएशनने दोन आठवड्यांत उत्सवाचा हंगाम संपेपर्यंत आंदोलन स्थगित करण्याचा निर्णय घेतला आहे.
Ratan Tata Death । रतन टाटांची एक्स गर्लफ्रेंड म्हणाली गुडबाय माझ्या जिवलग मित्रा…
हेच प्रश्न इतर जिल्ह्यांना आणि इतर राज्यांना भेडसावत आहेत. त्यांनी पाठिंबा दिला असून हा प्रश्न न सुटल्यास राज्यव्यापी आंदोलनात सहभागी होऊ. योग्य निविदा प्रक्रियेच्या आमच्या दीर्घकालीन प्रलंबित मागण्या आणि योग्य दरांसह योग्य निविदा प्रक्रियेद्वारे चोरीला आळा घालण्याच्या मार्गांसंबंधीच्या समस्यांचे निराकरण आवश्यक आहे. डीलर्सना टेंडरच्या किमतीवर रिकाम्या पानांवर स्वाक्षरी करण्यास भाग पाडले जाते, ही वस्तुस्थिती स्वतःच न्याय्य व्यापार पद्धतींच्या विरुद्ध आहे, असे सांगण्यात आले आहे.
