Related Posts
PMC News । पुणे महापालिकेला मिळकत कर हे उत्पन्नाचे मुख्य स्त्रोत असून, ते वसूल करण्यावर प्रशासनाचे उद्दिष्ट असते. चालू आर्थिक वर्षात १ हजार ६५९ कोटी रुपयांचे उत्पन्न जमा झाले आहे. त्यात सर्वाधिक ९९० कोटीचा मिळकत ऑनलाईनदारे जमा झालेला आहे. पुणे महापालिका हद्दीतील मिळकतींना मिळकतकर विभागाकडून कर आकारणी केली जाते. या मिळकतींचा कर 1 एप्रिल ते 31 मे या दरम्यान भरणाऱ्या पाच ते दहा टक्के सवलत दिली जाते. मिळकतीचे वार्षिक करपात्र रक्कम 25 हजारांपेक्षा कमी आहे. अशा मिळकतधारकांना मिळकत कराच्या सर्व साधारण करामध्ये 10 टक्के सूट, तर ज्या मिळकतीची वार्षिक करपात्र रक्कम 25 हजार 1 रूपयांपेक्षा जास्त असणाऱ्या मिळकतधारकांना त्यांच्या मिळकतकराच्या सर्व साधारण करामध्ये 5 टक्के इतकी सवलत देण्यात येत आहे. आता मिळकत करातील सवलत मिळण्याची मुदत संपली आहे. या कालावधीत मिळकत कर भरणाऱ्यांची संख्या जास्त आहे. (Pune Municipal Property Tax generated income of 1 thousand 659 crores)
पुणे महापालिका हददीत एकुण मिळकतीची संख्या १४ लाख २२ हजार आहे. आता पर्यत ९ लाख १६ हजार २८० मिळकतधारकांनी १ कोटी ६५९ कोटीचा मिळकत कर जमा झाला आहे. त्यात ऑनलाईनदारे ९९० कोटीचा मिळकत कर जमा झालेला आहे. धनादेशादारे ४८२ कोटी तर रोख स्वरूपात १८६ कोटीचा मिळकत कर जमा झाला आहे, असे पुणे महापालिकेच्या कर आकारणी व कर संकलन विभागाचे उपायुक्त माधव जगताप यांनी सांगितले.
समाविष्ट गावांतील नागरिकांनी दिला मालमत्ता कर भरण्यास नकार
पुणे महापालिका लगत असलेली 34 गावे महापालिकेत समाविष्ट करण्यात आली होती. त्यातील उरळी देवाची आणि फुरसुंगी ही दोन गावे वगळण्यात आली आहेत. तर उर्वरित 32 गावे कायम ठेवली. मात्र, गावे समाविष्ट झाल्यापासून पुणे महापालिकेने कोणत्याही सुविधा पुरविल्या नाहीत. मात्र, मिळकत कर वसुली सुुरू केली आहे. त्याला नागरिकांनी विरोध केला आहे. मालमत्ता करामध्ये मोठ्या प्रमाणात वाढ करण्यात आली असून, ती परवडणारी नाही, असे सांगत गाव विकायचे आहे, असे आंदोलन सुरु केले आहे. करामध्ये सुधारणा करा, अन्यथा आगामी विधानसभा निवडणुकीवर बहिष्कार टाकू असा इशारा हवेली तालुका बचाव कृती समितीने दिला आहे. (Pune Municipal Property Tax generated income of 1 thousand 659 crores)
