Kunbi certificate । कोणाला मिळू शकतो कुणबी असल्याचा दाखला ; तेरा कागदपत्रके तपासली जाणार
Kunbi certificate । मराठा समाजातील व्यक्तींना मराठा-कुणबी, कुणबी-मराठा जातीचे प्रमाणपत्र देण्यात यावे, या मागणीसाठी राज्यभर आंदोलन झाले. आता राज्य शासनाने कुणबी असल्याच्या नोंदणी शोधण्यासाठी जिल्हास्तरावर समिती गठीत करण्यात आली आहे. तसेच जिल्हाधिकारी कार्यालय, तहसील आणि विभागीय आयुक्त कार्यालयात स्वातंत्र्य कक्ष स्थापन करण्यात आले आहे. (Only if you have these documents will you get the Kunbi certificate)
मराठा-कुणबी, कुणबी-मराठा जातीचे प्रमाणपत्र (Maratha-Kunbi, Kunbi-Maratha Caste Certificate) देण्यासाठी 13 विविध प्रकारच कागदपत्रे तपासली जाणार आहेत. त्यामध्ये प्रामुख्याने खासरा पत्रक, पाहणी पत्रक, क-पत्रक, कुळ नोंदवही, नागरिकांचे राष्ट्रीय रजिस्टर सन 1951, नमुना नं. 01 हक्क नोंद पत्रक, नमुना नं. 02 हक्क नोंद पत्रक आणि सातबारा उतारा हे महसुली अभिलेखांचा समावेश आहे.
जन्म-मृत्यू नोंदी रजिस्टर (गाव नमुना 14), शैक्षणिक अभिलेख्यामध्ये प्रवेश निर्गम नोंदवही / जनरल रजिस्टर, रेल्वे पोलीस विभागाकडील गुन्ह्याबाबतच्या नोंदी, जिल्हा सैनिक कल्याण अधिकारी यांचेकडील माजी सैनिक निवृत्तीनंतर नोंदणीकरिता करण्यात आलेली कागदपत्रे, जिल्हा वक्फ अधिकारी यांचेकडील मुंतखब, 1967 पूर्वीचे अधिकारी-कर्मचार्‍यांचे सेवापुस्तक, महानगरपालिका आणि नगरपालिकेकडील शेतवार तक्ता वसूल व आमदनी नोंदवही आणि सैन्य भरती कार्यालयाकडील सैन्य भरतीच्यावेळी घेतलेल्या नोंदी तपासण्यात येतील.
