राष्ट्रवादी काँग्रेस शरदचंद्र पवार पक्षाने 44 उमेदवारांची पहिली यादी केली जाहीर
बारामती मध्ये अजित पवार विरुद्ध युगेंद्र पवार यांच्यात होणार थेट लढत
पुणे : राष्ट्रवादी काँग्रेस शरदचंद्र पवार पक्षाने आपल्या 44 उमेदवारांची पहिली यादी जाहीर केली आहे. त्यात बारामती विधानसभा मतदार संघातून युगेंद्र पवार यांना उमेदवारी देण्यात आली आहे. त्यामुळे बारामतीमध्ये युगेंद्र विरुद्ध अजित पवार अशी लढत होणार आहे. त्यामुळे याकडे सर्व राज्याचे लक्ष असणार आहे. पुण्यातली हडपसर शहराध्यक्ष प्रशांत जगताप यांना तर वडगाव शेरी विधानसभा मतदारसंघातून बापू पठारे यांना उमेदवारी जाहीर करण्यात आली आहे. त्यामुळे हडपसरमध्ये राष्ट्रवादी विरुद्ध राष्ट्रवादी असे लढत होणार आहे. मात्र, महायुतिने आपला उमेदवार जाहीर केला नाही. (NCP Sharad Chandra Pawar party announced the first list of 44 candidates)
राष्ट्रवादी काँग्रेस शरदचंद्र पवार पक्षाची पहिली यादी जाहीर करण्यात आली. पुण्यामध्ये राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांनी पहिली यादी जाहीर केली. ही पहिली यादी असून दुसरी यादी पुढील दोन दिवसांमध्ये जाहीर करणार असल्याचे पाटील म्हणाले. इस्लामपूरमधून जयंत पाटील, काटोल मतदारसंघातून अनिल देशमुख, घनसावंगीमधून राजेश टोपे, कराड उत्तरमधून बाळासाहेब पाटील यांना उमेदवारी जाहीर करण्यात आली आहे. मुंब्रा कळवा मतदारसंघातून जितेंद्र आव्हाड यांना उमेदवारी जाहीर करण्यात आली आहे.
राष्ट्रवादी काँग्रेसच्या पहिल्या यादीतील उमेदवार
जयंत पाटील – इस्लामपूर
अनिल देशमुख- काटोल
राजेश टोपे- घनसावंगी
बाळासाहेब पाटील- कराड उत्तर
जितेंद्र आव्हाड- कळबा मुंब्रा
शशिकांत शिंदे – कोरेगाव
जयप्रकाश दांडेगावकर- वसमत
गुलाबराव देवकर- जळगाव ग्रामीण
हर्षवर्धन पाटील- इंदापूर
प्राजक्त तनपुरे -राहुरी
अशोकराव पवार- शिरुर
मानसिंगराव नाईक- शिराळा
सुनील भुसारा- विक्रमगड
रोहित पवार- कर्जत जामखेड
विनायकराव पाटील- अहमदपूर
राजेंद्र शिंगणे- सिंदखेडराजा
सुधाकर भालेराव- उदगीर
चंद्रकांत दानवे- भोकरदन
चरण वाघमारे- तुमसर
प्रदीप नाईक- किनवट
विजय भांबळे-जिंतूर
पृथ्वीराज साठे- केज
संदीप नाईक- बेलापूर
बापूसाहेब पठारे- वडगाव शेरी
दिलीप खोडपे- जामनेर
रोहिणी खडसे- मुक्ताईनगर
सम्राट डोंगरदिवे-मुर्तिजापूर
रविकांत बोपछे- तिरोडा
भाग्यश्री अत्राम- अहेरी
बबलू चौधरी- बदनापूर
सुभाष पवार- मुरबाड
राखी जाधव- घाटकोपर पूर्व
देवदत्त निकम- आंबेगाव
युगेंद्र पवार – बारामती
संदीप वर्पे- कोपरगाव
प्रताप ढाकणे- शेवगाव
राणी लंके- पारनेर
मेहबूब शेख- आष्टी
करमाळा-नारायण पाटील
महेश कोठे-सोलापूर शहर उत्तर
प्रशांत यादव- चिपळूण
समरजीत घाटगे – कागल
रोहित आर आर पाटील- तासगाव कवठेमहाकाळ
प्रशांत जगताप -हडपसर
