Nanded Vidhan Sabha Election 2024 नांदेड जिल्ह्यात कोणत्या पक्षाचे किती आमदार ? जाणून घ्या

नांदेड लोकसभा मतदार संघची पोटनिवडणूक ही जाहीर

By MH TIMES Last updated Oct 16, 2024

Nanded Vidhan Sabha Election 2024 । नांदेड : नांदेड जिल्ह्यात नऊ विधानसभा मतदार संघ असून, त्यात काँग्रेसचे चार, भाजपचे तीन आणि शेकाप आणि शिवसेनेचा प्रत्येकी एक आमदार विजयी झाला होता. राष्ट्रवादी काँग्रेसला खातेही उघडता आले नव्हते. मात्र, शिवसेना आणि राष्ट्रवादी काँग्रेसमध्ये पडलेली उभी फुट आणि त्यानंतर झालेल्या पक्षांतरांमुळे उलटफेर झाले आलेत. मात्र, एकेकाळी नांदेड जिल्हा काँग्रेसचा बालेकिल्ला म्हणून ओळखले जात होता. परंतु अशोच चव्हाण यांनी भाजपमध्ये प्रवेश केल्याने हा किल्ला ढासळतो की काय अशी शंका व्यक्त केली जात होती. मात्र, नुकत्याच झालेल्या लोकसभा निवडणुकीत भाजपचे खासदार प्रताप पाटील चिखलीकर यांचा काँग्रेसचे वसंत चव्हाण यांनी पराभव केला. त्यामुळे नांदेड काँग्रेसचा बालेकिल्ला शाबुत असल्याचे स्पष्ट झाले. मात्र, आता विधानसभा निवडणुकीत काय होते, हे पहाणे महत्नाचे आहे. (Nanded Vidhan Sabha Election 2024 How many MLAs of which party?)

खासदार वसंत चव्हाण (MP Vasant Chavan) यांच्या निधनामुळे रिक्त झालेल्या लोकसभा मतदारसंघाची पोट निवडणूक (Lok Sabha constituency by-election) आणि विधानसभेसाठी एकाच दिवशी मतदान होणार आहे. त्यामुळे मतदारांना विधानसभा आणि लोकसभेसाठी मतदान करावे लागणार आहे. जिल्ह्यात भाजपचे तीन आमदार असून, त्यात मुखेडचे डॉ. तुषार राठोड (Dr.Tushar Rathore), नायगावचे राजेश पवार (Rajesh Pawar) आणि किनवट – माहुरचे भीमराव केराम आमदार आहेत. काँग्रेसचे एकूण चार आमदार होते. त्यात माजी मुख्यमंत्री अशोक चव्हाण (Ex-Chief Minister Ashok Chavan), देगलूरचे जितेश अंतापूरकर (Jitesh Antapurkar), नांदेड दक्षिणचे मोहन हबर्डे (Mohan Hubarde) आणि हदगावचे माधवराव पाटील जवळगावकर (Madhavrao Patil) हे चार आमदार होते. मात्र,अशोक चव्हाण यांनी आमदारकीचा राजीनामा देऊन भाजपमध्ये प्रवेश केला. ते सध्या राज्यसभेचे खासदार आहेत. तर त्यानंतर देगलूरचे जितेश अंतापूरकर यांनी भाजपमध्ये प्रवेश केला आहे. त्यामुळे काँग्रेसच्या आमदारांचे संख्याबळ घटले आहे. मात्र, लोकसभा निवडणुकीप्रमाणे मतदारांचा कौल असल्यास महायुतीला मोठा झटका बसण्याची शक्यता नाकारता येत नाही. मात्र, लोकसभा आणि विधानसभेची गणित वेगळे असते. लोहा विधानसभा मतदार संघात शेकाचे श्यामसुंदर शिंदे (Shyam Sundar Shinde) आमदार आहेत. नांदेड उत्तरचे शिवसेनेचे (शिंदे गट) बालाजी कल्याणकर (Balaji Kalyankar) आमदार आहेत.

नांदेड महापालिकेचा सहायक आयुक्त लाच घेताना अटक

काँग्रेस लोकसभा निवडणुकीत यश मिळाले असले तरी, विधानसभा निवडणुकीला सामोरे जाताना नियोजनबद्ध पद्धतीने काम करावे लागणार आहे. कारण 2019 च्या विधानसभा निवडणुकीत अशोक चव्हाणांचे नेतृत्व होते. मात्र, आताच्या निवडणुकीत नसणार आहे. त्यामुळे काँग्रेस जिल्ह्याच नेतृत्व कोणाच्या हती सोपवतो, हे महत्वाचे ठरणार आहे. कारण काँग्रेसचे नेते कोणती रणनीती आखतील याची कल्पना अशोक चव्हाण यांना असणार आहे. त्यामुळे काँग्रेस आपल्या रणनीती बदल करावा लागणार आहे. तर दुसरीकडे भाजप अशोक चव्हाणांना फ्रि हॅण्ड देतो, यावर ही बऱ्याच बाबी आवलंबून असणार आहेत. कारण आयाराम आणि जुने असा वाद होऊ शकतो. त्यामुळे भाजप कोणताीही रिक्त न घेता ताक ही फुंकून पिणार हे निश्चित आहे.

विधानसभा निवडणुकीच्या (Vidhan Sabha Election) पार्श्वभूमीवर राज्यात राजकीय घडामोडींना चांगलाच वेग आला आहे. सर्वच राजकीय पक्षांनी बैठका, दौरे, संवाद सुरु केलाय. तसेच अनेक नवख्या उमेदवारांनी देखील मोर्चेबांधणीला सुरुवात केली आहे. काँग्रेसचे नेते आणि माजी मुख्यमंत्री अशोक चव्हाण (Ashok Chavan) यांनी भाजपमध्ये प्रवेश केल्यानंतर जिल्ह्यातील राजकीय समीकरणे बदलली आहेत. आता विधानसभेच्या निवडणुकीत नेमके काय होणार? याची सर्वत्र चर्चा सुरु आहे.

मतदानासाठी मतदार छायाचित्र ओळखपत्र नसल्यास तरीही करु शकता…

महाष्ट्रात इतिहास घडेल ; महायुतिचे सरकार येणार –…

नांदेड जिल्ह्यात 9 विधानसभा मतदारसंघ आहेत. सुरुवातीच्या काळात हा जिल्हा काँग्रेसचा बालेकिल्ला म्हणून ओळखला जात होता. मात्र, हळूहळू या जिल्ह्यात भाजपची ताकद वाढल्याचे चित्र पाहायला मिळत आहे. काँग्रेसचे नेते आणि माजी मुख्यमंत्री अशोक चव्हाण यांनी देखील लोकसभा निवडणुकीपूर्वी भाजपमध्ये प्रवेश केला आहे. तसेच शिवसेना आणि राष्ट्रवादी काँग्रेसमध्ये फूट पडल्यानंतर राज्याचे वातावरण चांगलच तापल्याचे पाहायला मिळाले. त्यानंतर नांदेड जिल्ह्यात देखील राजकीय समीकरणे बदलली आहेत. आता विधानसभेच्या निवडणुका जवळ आल्या आहेत. या अनुषंगाने सर्वच राजकीय पक्षाच्या इच्छुकांनी तयारी सुरु केली आहे.

वंचित बहुजन आघाडीने उमेदवार केला जाहिर

2019 च्या विधानसा निवडणुकीत वंचित बहुजन आघाडीने फारुख अहमद यांना नांदेड दक्षिण विधानसभा मतदार संघातून उमेदवारी दिली होती. त्यावेळी त्यांना 14.61 टक्के मते म्हणजेच 26 हजार 713 मते मिळाली होती. तर एमआयएमचे उमेदवार मोहम्मद साबेर चाऊस यांना 11.1 टक्के म्हणजे 20 हजार 1122 मते मिळाली होती. या मतदार संघात काँग्रेसचे मोहन हंबर्डे यांनी 25.68 टक्के म्हणजेच 46943 मते मिळवून विजयी झाले होते. विधानसभा निवडणुका जाहिर होण्यापुर्वीच वंचित बहुजन आघाडीने फारुख अहमद यांना उमेदावारी जाहिर केली आहे.

नांदेड जिल्ह्यातील आमदार (Nanded MLA List)

किनवट विधानसभा – भीमराव केराम (भाजप)
हदगाव विधानसभा – माधवराव पाटील जवळगावकर (काँग्रेस)
भोकर विधानसभा – अशोक चव्हाण (भाजप) – सध्या राज्यसभा खासदार
नांदेड विधानसभा – उत्तर बालाजी कल्याणकर (शिवसेना – एकनाथ शिंदे)
नांदेड विधानसभा – दक्षिण मोहन हंबर्डे (काँग्रेस)
लोहा विधानसभा – श्यामसुंदर शिंदे (शेकाप)
नायगाव विधानसभा – राजेश पवार (भाजप)
देगलूर विधानसभा – जितेश अंतापूरकर (काँग्रेस – सध्या भाजप)
मुखेड विधानसभा – तुषार राठोड (भाजप)

Nanded Vidhan Sabha Election 2024 नांदेड जिल्ह्यात कोणत्या पक्षाचे किती आमदार ? जाणून घ्या

नांदेड लोकसभा मतदार संघची पोटनिवडणूक ही जाहीर

वंचित बहुजन आघाडीने उमेदवार केला जाहिर

हेही वाचा: