Nanded Police Patil Bharti 2023 । कंधार-लोहा तालुक्यात पोलिस पाटीलांच्या 170 पदांचे आरक्षण निश्चित होणार !

Nanded Police Patil Bharti 2023 । कंधार :  कंधार उपविभागीय अधिकारी कार्यालयातंर्गत कंधार आणि लोहा तालुक्यातील पोलिस पाटलांची 170 पदे रिक्त असून, ही पदे भरली जाणार आहेत. त्यासाठी उपविभागीय अधिकारी डाॅ. शरद मंडलिक यांनी जाहीर प्रगटन प्रसिद्ध केले आहे. त्यात 28 डिसेंबर रोजी गावनिहाय आरक्षण जाहीर केले जाणार आहे.

सुधारीत जाहीर प्रगटन_231223_172441 पोलिस पाटील पदे गावनिहाय जाणून घ्या

कंधार उपविभागातंर्गत कंधार आणि लोहा तालुक्यांचा समावेश असून, त्यात कंधार तालुक्यातील 84 तर लोहा तालुक्यातील पोलिस पाटलांची 86 पदे रिक्त आहेत. दोन्हा तालुक्यातील 170 पदांचे आरक्षण निश्चित केले जाणार आहे. त्यासाठी 28 डिसेंबर रोजी सकाळी अकरा वाजता कंधार तहसील कार्यालयात आरक्षण सोडत काढली जाणार आहे.

रिक्त जागांपैकी 30 टक्के जागा महिलांसाठी राखीव

कंधार आणि लोहा तालुक्यातील एकूण 170 पदांचे आरक्षण जाहीर होणार आहे. त्यात 59 जागा खुल्या प्रवर्गासाठी असणार आहेत. त्यात 18 महिला तर 41 सर्वसाधारण असणार आहेत. एकूण पदांपैकी 51 ठिकाणी महिला तर 119 जागा अराखीव आहेत.