नांदेड : संभाजीनगर, बीड, लातूर, परभणी (Sambhajinagar, Beed, Latur, Parbhani) जिल्ह्यातील आमदारांना मंत्री पदाची लॉटरी लागली आहे. तर नांदेड, हिंगोली, जालना आणि धाराशिव जिल्ह्यातील एकही आमदाराला मंत्री पादची संधी मिळाली नाही. परळीमधून मुंडे बंधू भगिनीची मंत्रिमंडळात वर्णी लागली आहे. तर संभाजीनगरमधील भाजपचे अतुल सावे आणि शिवसेनेचे संजय सिरसाट यांनी शपथ घेतली आहे. लातूर जिल्ह्यातील अहमदपूर विधानसभा मतदार संघाचे राष्ट्रवादी काँग्रेस पक्षाकडून (अजित पवार) पक्षाकडून विजयी झालेल्या बाबासाहेब पाटील आणि परभणी जिल्ह्यातील जिंतूर विधानसभा मतदार संघातील मेघना बोर्डीकर यांनी राज्य मंत्री म्हणून शपथ घेतली आहे. (Nanded district will get a guardian minister from outside again!)
Pune Crime News : मित्रासाठी काय पण..! थेट केला गोळीबार अन् जावे लागले तुरुंगात
Related Posts
नांदेड, हिंगोली, जालना आणि धाराशिव (Nanded, Hingoli, Jalna, Dharashiv) जिल्ह्यातील एकही आमदाराला मंत्री म्हणून संधी मिळाली नाही. त्यामुळे आता या जिल्ह्यांना बाहेरील पालकमंत्री लाभणार आहे. नांदेड जिल्ह्यातील गेल्या काही वर्षापासून नांदेड जिल्ह्यातील आमदारांना मंत्री होण्याची संधी मिळाली नाही. त्यामुळे बाहेर जिल्ह्यातील आमदार मंत्री असल्याने त्यांना पालकमंत्री म्हणून नियुक्त केले जाते. त्याचा परिणाम त्या जिल्ह्याच्या विकासावर होत असतो.
परळी विधानसभा मतदारसंघाचे आमदार धनंजय मुंडे यांनी देखील कॅबिनेट मंत्रिपदाची शपथ घेतली आहे. मागील सरकारमध्ये कृषिमंत्री राहिलेल्या धनंजय मुंडे यांना राष्ट्रवादी काँग्रेसने पुन्हा एकदा संधी दिली आहे. मागच्या काही वर्षांमध्ये राजकीय कारकिर्दीत अनेक चढउतार बघितलेल्या भाजपच्या राष्ट्रीय सचिव पंकजा मुंडे यांना पुन्हा एकदा मंत्रिमंडळात स्थान देण्यात आलेले आहे. लोकसभा निवडणुकीत झालेल्या पराभवानंतर पंकजा मुंडे यांना विधानपरिषदेवर आमदारकीची संधी देण्यात आलेली होती.
औरंगाबाद पूर्व मतदारसंघाचे आमदार अतुल सावे यांनीही मंत्रिपदाची शपथ घेतली आहे. एआयएमआयएमचे उमेदवार इम्तियाझ जलील (
AIMIM’s Imtiaz Jalil) यांचा पराभव करून ते निवडून आले आहेत.अतुल सावे याआधी देखील मंत्री राहिलेले आहेत. औरंगाबाद पश्चिम विधानसभा मतदारसंघाचे आमदार संजय शिरसाट यांनी मंत्री म्हणून पद आणि गोपनीयतेची शपथ घेतली आहे. एकनाथ शिंदेंच्या नेतृत्वात त्यांना मंत्रिपद मिळालेले नव्हते. यावेळी मात्र संजय शिरसाट यांना मंत्रिपद देण्यात आले आहे.लातूर जिल्ह्यातील अहमदपूरचे आमदार बाबासाहेब पाटील यांनीही मंत्रिपदाची शपथ घेतली आहे. बाबासाहेब पाटील हे मराठवाड्यातून आहेत. परभणी जिल्ह्यातील जिंतूरच्या आमदार मेघना बोर्डीकर यांनीही राज्यमंत्री म्हणून शपथ घेतली आहे. मेघना बोर्डीकर 2019 मध्ये पहिल्यांदा आमदार म्हणून निवडून आल्या होत्या. ज्येष्ठ नेते रामप्रसाद बोर्डीकर यांच्या त्या कन्या आहेत.
महायुतीचे नवनिर्वाचित मंत्री –Newly elected minister
कॅबिनेट मंत्री
1) चंद्रशेखर बावनकुळे (भाजपा) (जिल्हा-नागपूर,विदर्भ)
2) राधाकृष्ण विखे पाटील (भाजपा) (जिल्हा-नगर,उ.महाराष्ट्र)
3) हसन मुश्रीफ (राष्ट्रवादी) (जिल्हा-कोल्हापूर,प.महाराष्ट्
4) चंद्रकांत पाटील (भाजपा) (जिल्हा-पुणे,प.महाराष्ट्र)
5) गिरीश महाजन (भाजपा) (जिल्हा-जळगाव उ.महाराष्ट्र)
6) गुलाबराव पाटील (शिवसेना) (जिल्हा-जळगाव उ.महाराष्ट्र)
7) गणेश नाईक (भाजपा) (जिल्हा-नवी मुंबई ,मुंबई)
8) दादा भुसे (शिवसेना) (जिल्हा-नाशिक,उ.महाराष्ट्र)
9) संजय राठोड (शिवसेना) (जिल्हा-वाशीम ,विदर्भ)
10) धनंजय मुंडे (राष्ट्रवादी) (जिल्हा-बीड, मराठवाडा)
11) मंगलप्रभात लोढा (भाजपा) (जिल्हा-मुंबई,मुंबई)
12) उदय सामंत (शिवसेना) (जिल्हा-रत्नागिरी, कोकण)
13) जयकुमार भाऊ रावल (भाजपा) (जिल्हा-धुळे,उ.महाराष्ट्र)
14) पंकजा मुंडे (भाजपा) (जिल्हा-बीड, मराठवाडा)
15) अतुल सावे (भाजपा) (जिल्हा-श्री.छत्रपती संभाजीनगर,मराठवाडा)
16) अशोक उईके (भाजपा) (विदर्भ-यवतमाळ, विदर्भ)
17) शंभुराज देसाई (शिवसेना) (जिल्हा-सातारा, प महाराष्ट्र)
18) आशिष शेलार (भाजपा) (जिल्हा-मुंबई,मुंबई)
19) दत्तात्रय भरणे (राष्ट्रवादी) (जिल्हा-पुणे,प.महाराष्ट्र)
20) आदिती सुनील तटकरे (राष्ट्रवादी) (जिल्हा-रायगड,कोकण)
21) शिवेंद्रसिंहराजे भोसले (भाजपा) (जिल्हा-सातारा,प.महाराष्ट्र)
22) ऍड.माणिकराव कोकाटे (राष्ट्रवादी) (जिल्हा-नाशिक, उ.महाराष्ट्र)
23) जयकुमार गोरे (भाजपा) (जिल्हा-सातारा,प.महाराष्ट्)
24) नरहरी झिरवळ (राष्ट्रवादी) (जिल्हा-नाशिक, उ.महाराष्ट्र)
25) संजय सावकारे (भाजपा) (जिल्हा-जळगाव,उ महाराष्ट्र)
26) संजय शिरसाठ (शिवसेना) (जिल्हा-छत्रपती संभाजीनगर,मराठवाडा)
27) प्रताप सरनाईक (शिवसेना) (जिल्हा-ठाणे, मुंबई)
28) भरतशेठ गोगावले (शिवसेना) (जिल्हा-रायगड,कोकण)
29) मकरंद जाधव-पाटील (राष्ट्रवादी) (जिल्हा-सातारा,प महाराष्ट्र)
30) नितेश राणे (भाजपा) (जिल्हा-सिंधुदुर्ग, कोकण)
31) आकाश फुंडकर (भाजपा) (जिल्हा-बुलढाणा,विदर्भ)
32) बाबासाहेब पाटील (राष्ट्रवादी) (जिल्हा-लातूर,मराठवाडा)
33) प्रकाश आबीटकर (शिवसेना) (जिल्हा-कोल्हापूर, प महाराष्ट्र)
राज्यमंत्री
34) माधुरी मिसाळ (भाजपा) (जिल्हा-पुणे,प महाराष्ट्र)
35) आशिष जयस्वाल (शिवसेना) (जिल्हा-नागपूर, विदर्भ)
36) पंकज भोयर (भाजपा) (जिल्हा-वर्धा,विदर्भ)
37) मेघना बोर्डीकर (भाजपा) (जिल्हा-परभणी, मराठवाडा)
38) इंद्रनिल नाईक (राष्ट्रवादी) (जिल्हा-यवतमाळ,विदर्भ)
39) योगेश कदम (शिवसेना) (जिल्हा-रत्नागिरी, कोकण)
