नांदेड जिल्ह्यातील शेतकऱ्यांना ‘या’ प्रकल्पांतर्गत 50 कोटीचे अनुदान वाटप
नांदेड जिल्ह्यातील 12 हजार 750 शेतकऱ्यांना फळबाग लागवड, ठिबक, तुषार, रेशीम लागवड, शेडनेट इत्यादी कामापोटी 45 कोटी वितरीत केले आहेत. तसेच शेतकरी गट व कंपनी यांना कृषि औजारे बँक आणि प्रक्रिया उद्योगासाठी 3.50 कोटी व जलसंधारण कामासाठी 1.50 कोटी वितरीत केले आहेत. (Farmers will get 50 crore grant under Nanaji Deshmukh Krishi Sanjeevani project)
नानाजी देशमुख कृषि संजीवनी प्रकल्प अंतर्गत नांदेड जिल्ह्यात दुसऱ्या व तिसऱ्या टप्प्यातील 314 गावांपैकी 292 गावाच्या एकुण 45567.88 लक्ष रुपये रकमेच्या गाव विकास आराखड्यांना 14 जानेवारी 2022 रोजीच्या जिल्हास्तरीय समन्वय समितीच्या बैठकीत मंजुरी देण्यात आली आहे. त्यामध्ये नांदेड उपविभाग 8022.06 लक्ष रुपये, देगलुर उपविभाग 22388.82 लक्ष रुपये व किनवट उपविभागातील 15157 लक्ष रुपये रक्कमेच्या आराखड्यांना मंजुरी देण्यात आली. त्यामध्ये मृद व जलसंधारण कामे 5897.88 लक्ष रुपये आहे. (Farmers will get 50 crore grant under Nanaji Deshmukh Krishi Sanjeevani project)
