Dhule ACB Trap । जन्म तारखेची नोंद घेण्यासाठी ग्रामसेवकाने मागितली 1400 रुपयांची लाच
Dhule ACB Trap । धुळे : न्यायालयाच्या आदेशानुसार जन्म तारखेची नोंद ग्रामपंचायत कार्यालयाच्या दप्तरी घेण्यासाठी ग्रामसेवकाने विलंब शुल्काच्या नावाखाली 1400 रुपयांची लाचेची मागणी केली. मात्र, तक्रारदार यांनी धुळे लाचलुचपत प्रतिबंधक विभागाकडे फोनवरुन तक्रार नोंदवली. त्यानंतर मागणी केलेली 1400 रुपयांची लाच स्विकारताना एसीबीच्याा पथकाने आरोपी ग्रामसेवकाला अटक केली. (Gram sevak demanded a bribe of Rs 1400 to record the date of birth)
Related Posts
गुलाब रामदास चौधरी (Gulab Ramdas Chaudhary) (वय 44,रा बालाजी नगर, घर क 21, सोनगीर, ता. जि. धुळे) असे अटक केलेल्या व्यवसाय ग्रामसेवक ग्रामसेवकाचे नाव आहे. (Gram sevak demanded a bribe of Rs 1400 to record the date of birth)
लाचलुचपत प्रतिबंधक विभागाने दिलेल्या माहितीनुसार, तक्रारदार हे जामन्यापाडा ता. शिरपुर येथील रहीवाशी असुन , त्यांच्या आत्याचा जन्म दि.01/05/1968 रोजी जामन्यापाडा येथे झाला आहे. त्यांचे आजोबा अशिक्षित असल्याने त्यांच्या जन्माची नोंद ग्रामपंचायतीच्या दप्तरी केली गेली नव्हती. त्यांच्या जन्माची नोंद व्हावी, यासाठी तक्रारदार यांनी शिरपुर येथील मे ज्युडीशिअल मॅजि वर्ग 01 यांच्या न्यायालयात जन्माची नोंद होणे करीता फौजदारी किरकोळ अर्ज नं 472/2022 दाखल केला होता.
अर्जावर सुनावणी होवुन न्यायालयाने तक्रारदार यांच्या आत्याची जन्माची दप्तरी नोंद घ्यावी, असा आदेश दि.14/10/2022 रोजी पारित केलेला आहे. त्याप्रमाणे तकारदार यांनी आत्याच्या जन्माची दप्तरी नोंद करावी, असा अर्ज न्यायलयाच्या आदेशासह 6/5/2023 रोजी ग्रामपंचायत कार्यालय, जामन्यापाडा येथे ग्रामसेवक गुलाब चौधरी यांच्याकडे जमा केला. जन्माची दप्तरी नोंद घेवुन जन्म दाखला देण्यासाठी तक्रारदार यांच्याकडे ग्रामसेवक चौधरी याने 1400 रूपये लेट फीच्या नावाखाली लाचेची मागणी केली. त्यानंतर तक्रारदार यांनी दुरध्वनीव्दारे लाचलुचपत प्रतिबंधक विभाग धुळे कार्यालयास माहिती दिली होती. त्यावरून धुळे लाचलुचपत प्रतिबंधकाचे पथकाने दि.5 / 6 / 2023 रोजी जामन्यापाडा, ता. शिरपुर येथे जावुन तक्रारदार यांची तक्रार नोंदवून घेतली होती. त्यानंतर लाच घेताना ग्रामसेवक चौधरीला अटक करण्यात आली.
ही कारवाई ला.प्र.वि.धुळे पोलीस उप अधीक्षक अभिषेक पाटील यांच्या मार्गदर्शनात पोलीस निरीक्षक प्रकाश झोडगे, मंजितसिंग चव्हाण, राजन कदम, शरद काटके, भूषण खलाणेकर, संतोष पावरा भूषण शेटे, रामदास बारेला, प्रशांत बागुल ,मकरंद पाटील,प्रविण पाटील,मपोशी गायत्री पाटील,रोहिणी पवार वनश्री बोरसे, चालक सुधीर मोरे, जगदीश बडगुजर यांनी ही कारवाई केली. (Gram sevak demanded a bribe of Rs 1400 to record the date of birth)
