कृषी विभागाचे शेतकऱ्यांना महत्वाची सूचना, कापूस बियाणे घेताना काय काळजी घेतली पाहिजे
नांदेड : बाजारात बोगस कंपन्या, परवाना नसलेली अनाधिकृत एचटीबीटी कापूस बियाणे (HTBT Cottonseed) छुप्या मार्गाने पुरवठा होण्याची शक्यता आहे. अशा अनधिकृत बियाणांना काही व्यक्ती तणनाशक बीटी, आर-आरबीटी व बीटीबीजी-3 (BT, R-RBT, BTBG-3) या नावाने संबोधतात. या अवैध बियाणांना शासनाची मान्यता नाही. शेतकऱ्यांनी अशा अनधिकृत कंपन्याच्या आमिषाला बळी पडू नये. तसेच एचटीबीटी बियाण्यांची खरेदी करु नये व त्या बियाणांची शेतात लागवड करु नये, असे आवाहन जिल्हा अधिक्षक कृषी अधिकारी रविशंकर चलवदे (District Superintendent Agriculture Officer Ravi Shankar Chalwade) यांनी केले आहे. (Agriculture department’s important appeal to farmers, what care should be taken while buying cotton seeds)
लोकसहभागातून मन्याड नदीला पुनर्जीवित करणे शक्य : डॉ. राजेंद्रसिंह राणा
Related Posts
अवैध बियाणांची विक्री करणे, बाळगणे, साठा करणे गुन्हा आहे. या प्रकारचे अनधिकृत कापूस बियाणे लागवड केलेल्या कापूस पिकाच्या पानांचे नमुने यांची एचटीबीटी जनुके तपासणी करण्याचे तंत्रज्ञान अवगत आहे. नमुना तपासणीअंती एचटीबीटी जनुके आढळल्यास संबंधितावर कारवाई होवू शकते. कृषी विभाग व पोलीस विभाग एचटीबीटी बियाणे विक्री करणाऱ्यावर लक्ष ठेवून आहेत त्यामूळे हे बियाणे विक्रीचा प्रयत्न करु नये असे निर्देश कृषी विभागाच्यवतीने (Department of Agriculture) देण्यात आले आहेत. (Agriculture department’s important appeal to farmers, what care should be taken while buying cotton seeds)
शासनाची मान्यता नसलेली एचटीबीटी बियाणे लागवडीनंतर ग्लायफोसेट हे तणनाशक फवारण्याची बनावट कंपनी व विक्रेते शिफारस करतील. अनधिकृत बियाणे विक्रीसाठी बोगस कंपन्या खाजगी एजंट, खाजगी व्यक्तींच्या आमिषास व प्रलोभणास शेतकऱ्यांनी बळी पडू नये. ग्लायफोसेट तणनाशक कार्सिनोजेनीक गुणधर्माचे असून त्यांच्या अतिवापरामुळे मानवी आरोग्यास कॅन्सरसारखे रोग उदभवण्याची शक्यता आहे. ग्लायफोसेट तणनाशकाच्या अतिवापरामुळे जमिनीची सुपीकता नष्ट होऊन भविष्यात त्या जमिनीत कोणतेही पिक लागवड करता येणार नाही. त्यामुळे जमिन नापिक होईल व सर्व शेतकरी शेतमजूर यांचे आरोग्य धोक्यात येईल. तसेच ग्लायफोसेट तणनाशकाचा पिके नसलेल्या जमिनीवर व चहा मळयासाठी वापर करण्याची करण्याची शिफारस केंद्र शासनाने केली आहे. (Agriculture department’s important appeal to farmers, what care should be taken while buying cotton seeds)
ग्लायफोसेट हे तणनाशकाचा इतर पिकांवर वापरता येणार नाही. मान्यता नसलेल्या एचटीबीटी कापसाची लागवड रोखण्यासाठी व कार्सिनोजेनिक गुणधर्म असलेल्या ग्लायफोसेट अतिवापरामुळे होणारे नुकसान रोखण्यासाठी गुणवत्ता व दर्जाची हमी देणाऱ्या अधिकृत कंपनी उत्पादित व अधिकृत बियाणे विक्री परवाना धारकाकडूनच परवानगी असलेले कापूस बीटी बियाणे खरेदी करावेत. शेतकऱ्यांनी फसवणुक टाळण्यासाठी अधिकृत विक्रेत्याकडून अधिसूचित बियाणे पावतीसह खरेदी करावेत. अनाधिकृत बीटी बियाणे खरेदीसाठी बनावट कंपन्या, खाजगी एजंट प्रलोभण देत असतील तर याबाबतची माहिती तालुका कृषी अधिकारी, जिल्हा अधिक्षक कृषी अधिकारी, जिल्हा परिषदेचा कृषी विभाग (Agriculture Department of Zilla Parishad) यांना देण्यात यावी, असे जिल्हा अधिक्षक कृषी अधिकारी यांनी प्रसिद्धीपत्रकाद्वारे कळविले आहे.
