धक्कादायक : अभिनेता सिद्धार्थ शुक्ला याचे निधन

मुंबई Mumbai news : हिंदी मालिका आणि बिग बॉस सिझन 13 चा विजेता अभिनेता सिध्दार्थ शुक्ला याचे ४० व्या वर्षी हृदय विकाराने (heart attack) गुरूवारी (दि.२) दुपारी निधन झाले. (Actor Siddharth Shukla passes away) 

मुंबईच्या कपूर हॉस्पीटलमध्ये दाखल झाल्यानंतर निधन झाले. प्राप्त होणाऱ्या माहितीनुसार रात्री झोपण्यापुर्वी सिद्धार्थने काही औषधे घेतली होती. त्यानंतर सकाळी तो झोपेतून जागा झाला नाही. त्याला हॉस्पीटलमध्ये दाखल केल्यानंतर हृदय विकाराच्या झटक्यामुळे त्याचा मृत्यू झाल्याचे डॉक्टरांनी घोषित केले. (Actor Siddharth Shukla passes away) 

टीव्ही इंडस्ट्रीमध्ये मोठे नाव असलेल्या सिध्दार्थ शुक्लाने सलमान खान होस्ट असलेल्या रिॲलिटी शो बिग बॉसचा १३ सिझन जिंकला होता. त्यानंतर खतरों के खिलाडीचा ७ व्या सिझन देखील जिंकला. हिंदी मालिका ‘बालिका वधू’ मधून सिध्दार्थ शुक्ला घरा-घरात पोहोचला. त्याचा आकस्मिक मृत्यूने सर्वत्र हळहळ व्यक्त केली जात आहे. (Actor Siddharth Shukla passes away)