(Action) बाल कामगार आढळल्यास होणार कारवाई
नांदेड : जिल्ह्यात बालकामगार प्रथेविरुद्ध जनजागृती मोहिम राबविण्यात येत असून व्यवसायिक आस्थापनामध्ये बालकामगार आढळून आल्यास कायदेशीर कारवाई करण्यात येईल, असे प्रतिपादन सहाय्यक कामगार आयुक्त मोहसीन सय्यद यांनी केले. Action will be taken if child labor is found
जागतिक बाल कामगार विरोधी दिनाचे औचित्य साधून जिल्ह्यात बाल कामगार कामावर ठेवू नये, याबाबत सहाय्यक कामगार आयुक्त कार्यालयाच्यावतीने आज जनजागृती करण्यात आली. कोरोना प्रादुर्भाव लक्षात घेता सर्व नियमांचे पालन करुन ही जनजागृती करण्यात आली. विविध व्यवसायिक आस्थापनांमध्ये तसेच सहाय्यक कामगार आयुक्त कार्यालयात बाल कामगार कामावर ठेवण्यात येणार नाही अशा प्रकारची शपथ घेण्यात आली.जिल्ह्यातील वेगवेगळ्या आस्थापनांना भेटी देऊन त्यांच्याकडून बाल कामगार कामावर ठेवणार नाही असे हमीपत्र भरून घेतले. तसेच आस्थापनेत “ येथे बाल कामगार काम करत नाही ” अशा आशयाचे स्टीकर दर्शनी भागात लावण्यात आले. Action will be taken if child labor is found
