(MP Rajeev Satav) नियतीने प्रतिभाशाली उमद्या नेतृत्वाला हिरावून घेतले : अशोक चव्हाण
नांदेड : आमचे सहकारी व अखिल भारतीय काँग्रेस कमिटीचे महासचिव खा. राजीव सातव यांचे अकाली निधन अतिशय वेदनादायी आहे. नियतीने एका प्रतिभाशाली उमद्या नेतृत्वाला आमच्यातून हिरावून घेतले आहे, अशा भावना सार्वजनिक बांधकाम मंत्री अशोक चव्हाण यांनी आपल्या शोकसंदेशात व्यक्त केल्या आहेत. (MP Rajeev Satav)
चव्हाण म्हणाले, तालुका स्तरावरुन राजकीय प्रवास सुरू करून विलक्षण जिद्द व कर्तबगारीच्या बळावर अतिशय कमी वेळेत राष्ट्रीय पातळीवर आपली ओळख निर्माण करणारे खा. राजीव सातव यांच्याबद्दल संपूर्ण देशात कुतूहल होते. पुढील काळात देश व काँग्रेस पक्षासाठी त्यांच्याकडून मोठे योगदान अपेक्षित केले जात होते. (MP Rajeev Satav)
खा.राजीव सातव यांच्या जाण्याने काँग्रेस पक्षासाठी मोठी हानी आहे. विशेषतः महाराष्ट्र आणि मराठवाड्याचे मोठे नुकसान झाले आहे. संपूर्ण देशातील त्यांचा मित्र परिवार आणि चाहत्यांच्या मनात त्यांच्या स्मृती चिरंतन राहतील. त्यांना मी भावपूर्ण श्रद्धांजली अर्पण करतो व सातव कुटुंबियाला हे अपरिमित दुःख सहन करण्याचे सामर्थ्य मिळो, अशी ईश्वरचरणी प्रार्थना करतो, असे ते म्हणाले. (MP Rajeev Satav)
