नांदेडमधून रेल्वेने प्रवास करणार असाल तर तुमच्यासाठी चांगली बातमी

नांदेड : दिवाळी (Diwali) आणि छटपूजेनिमित्त नागरीक मोठ्या प्रमाणात गावी गावी जात असतात. प्रवासासाठी रेल्वेचा वापर करतात. सध्या दिवाळी सुरु असून, रेल्वेला गर्दी होत आहे. नांदेड विभाग आणि दक्षिण मध्य रेल्वेकडून (Nanded Division and South Central Railway) काही निवडणूक मार्गांवर विशेष गाड्या चालवण्याचा निर्णय रेल्वे विभागाने घेतला आहे. या हंगामात नांदेड विभागाने ऑक्टोबर महिन्यात ६७ तर नोव्हेंबर महिन्यात ७१ विशेष गाड्या चालवण्याचे नियोजन केले आहे. (138 special trains will run in Nanded railway section)

महाराष्ट्र विधानसभा निवडणूक २०२४ । पुणे जिल्ह्यातील 109 उमेदवार छाननीमध्ये निवडणुकी बाहेर 

सुरळीत तिकीट काढण्यासाठी, मागणीवर आधारित काउंटरची संख्या वाढवण्याच्या योजनांसह, प्रमुख स्थानकांवर अतिरिक्त काउंटरसह सामान्य तिकीट ऑपरेशनला बळकटी देण्यात आली आहे. याव्यतिरिक्त, एससीआर रेल्वे प्रोटेक्शन फोर्स आणि स्थानकांवर तिकीट तपासणी कर्मचाऱ्यांची तैनाती करण्यात येत आहे. नांदेड, परभणी, जालना, औरंगाबाद, हिंगोली, वाशिम आणि पूर्णा आदी प्रमुख स्थानकांवर विभागातील अधिकारी तैनात करण्यात आले आहेत. याशिवाय रेल्वेच्या सर्व आरक्षित डब्यांवर देखरेख ठेवण्यासाठी पुरेसे तिकीट तपासणी कर्मचारी तैनात करण्यात आले आहेत.

  Assembly Election Voting । 12 पैकी कोणताही एक पुरावा असेल तरच करता येईल 

तिकीटविरहित प्रवास टाळण्यासाठी आणि प्रवाशांच्या आरामाची खात्री करण्यासाठी विशेष तिकीट तपासणी पथके तयार करण्यात आली आहेत. स्थानकांवर केटरिंग स्टॉल व्यवस्थापकांना अतिरिक्त मागणी पूर्ण करण्यसाठी पुरेसे अन्नपदार्थ ठेवण्याच्या सूचना देण्यात आल्या आहेत. याव्यतिरिक्त, रेल्वे सुरक्षा दलाने स्थानकांवर गर्दीचे व्यवस्थापन करण्यासाठी आणि सणासुदीच्या काळात प्रवाशांची सुरक्षितता आणि सुरक्षा सुनिश्चित करण्यासाठी विविध उपाययोजना केल्या आहेत. यामध्ये व्यापक सीसीटीव्ही मॉनिटरिंगचा समावेश आहे ; स्थानकांच्या फिरत्या भागात, प्लॅटफॉर्म आणि गाड्यांवर जास्तीत जास्त मनुष्यबळ तैनात करणे; गैरकृत्यांवर कडक नजर, जनतेमध्ये सुरक्षा जनजागृती मोहीम हाती घेण्यात आली आहे.