Lok Sabha Election 2024 । लोकसभा निवडणूक 2024 : ईव्हीएम व व्हीव्हीपॅटची जनजागृती

Lok Sabha Election 2024 । नांदेड : नांदेड जिल्ह्यातील 9 विधानसभा मतदारसंघाअंतर्गत एकुण 3 हजार 41 मतदान केंद्र आहेत. या मतदान केंद्राच्या 10 टक्के इतक्या मर्यादेत ईव्हीएम व व्हीव्हीपॅट (EVM, VVPAT) मशीन्स प्रशिक्षण, प्रचार, प्रसार, प्रसिद्धी व जनजागृतीसाठी महाराष्ट्र राज्याचे मुख्य निवडणूक अधिकारी (Chief Electoral Officer of Maharashtra State) यांच्या निर्देशान्वये नांदेड जिल्हास्तरीय वेअरहाऊस येथे ठेवण्यात आलेल्या एफएलसी ओके मशीन्स जिल्ह्यातील 9 विधानसभा मतदारसंघात जनजागृतीसाठी उपलब्ध करून देण्यात आल्या आहेत. (Lok Sabha Election 2024 : EVM and VVPAT Awareness)

Scholarship Schemes News । अल्पसंख्याक समुदायातील 27 विद्यार्थ्यांचे स्वप्न होणार पुर्ण..!

निवडणूक विभागातर्फे लोकसभा सार्वत्रिक निवडणूक 2024 साठी इव्हीएम व व्हीव्हीपॅट संदर्भात जनजागृती मोहिम राबविण्यासाठी प्रत्येक विधानसभा मतदारसंघाचे मतदार नोंदणी अधिकारी यांनी सदर जनजागृती मोहिमेचे वेळापत्रक / आराखडा तयार केला असून प्रत्येक उपविभाग स्तरावर एक स्थिर पथक व मतदारसंघात फिरते पथक गठीत करण्यात आले.

इव्हीएम व व्हीव्हीपॅट जनजागृती मोहिम राबविण्यासाठी नेमण्यात आलेल्या अधिकारी-कर्मचारी यांना ईव्हीएम व व्हीव्हीपॅट हाताळणीचे प्रशिक्षण जिल्हास्तरावर बीईएल कंपनीचे इंजिनीअर यांच्यामार्फत 8 डिसेंबर 2023 रोजी देण्यात आले आहे. विधानसभा मतदारसंघातील पथकात एक प्रशिक्षित मास्टर ट्रेनर, जबाबदार अधिकारी व कर्मचारी तसेच फिरते पथकात एक अधिकारी, एक कर्मचारी नियुक्त करण्यात आले आहे. पथकासाठी सर्व गावे, वाड्या यांच्यापर्यंत पोहोचण्यासाठी पुरेशी सुरक्षा ठेवण्यात आली आहे. या मोहिमेद्वारे ईव्हीएम व व्हीव्हीपॅट बदल असणाऱ्या सर्व शंका व हाताळतांना येणाऱ्या अडचणी दूर होतील, असा विश्वास जिल्हाधिकारी तथा जिल्हा निवडणूक अधिकारी अभिजीत राऊत यांनी व्यक्त केला.