15 लाख विद्यार्थी देणार 12 वीची परीक्षा 

पुणे : राज्यातील 3 हजार 373 परिक्षा केंद्रावर मंगळवारपासून 12 वीच्या परीक्षा सुरु होणार आहे. ही परिक्षा 11 फेब्रुवारी ते 18 मार्च 2015 कालावधीत होत आहे. यंदा परीक्षेसाठी एकूण 15 लाख 5 हजार 37 विद्यार्थ्यांनी नोंदणी केली असून त्यामध्ये 8 लाख 10 हजार 348 मुले, तर 6 लाख 94 हजार 652 मुली आहेत. यंदा 37 तृतीयपंथी विद्यार्थ्यी यांनी परीक्षेसाठी नोंदणी केली आहे. राज्यात एकूण 10 हजार 550 कनिष्ठ महाविद्यालयातील या विद्यार्थ्यांची नोंदणी आहे. प्रत्येक परिक्षा केद्रांवर बैठे पथक असणार आहे. तसेच ड्रोन,ची नजर ही असेल, अशी माहिती महाराष्ट्र राज्य माध्यमिक व उच्च माध्यमिक शिक्षण मंडाळाचे अध्यक्ष शरद गोसावी यांनी पत्रकार परिषदेत दिली. (15 lakh students will appear for 12th exam)

 

गोसावी म्हणाले, विज्ञान शाखेला 7 लाख 68 हजार 967 विद्यार्थी, कला शाखेला तीन लाख 80 हजार 410 विद्यार्थी, वाणिज्य शाखेला तीन लाख 19 हजार 439 विद्यार्थी तर किमान कौशल्य आधारित अभ्यासक्रम 31 हजार 735 विद्यार्थी आहेत. टेक्निकल सायन्स 4 हजार 486 असे एकूण 15 लाख 5 हजार 37 विद्यार्थी यंदा परीक्षा देणार आहेत.

पुणे, नागपूर, संभाजीनगर, मुंबई, कोल्हापूर, अमरावती, नाशिक, लातूर, कोकण या नऊ विभागीय मंडळात ही परीक्षा होणार आहे. महाराष्ट्राचे माध्यमिक उच्च माध्यमिक नऊ विभागीय मंडळात ही परीक्षा होणार असून नऊ विभागीय मंडळात नियंत्रण कक्ष कार्यरत करून हेल्पलाइन सुविधा उपलब्ध करून दिलेली आहे. गेल्या वर्षी फेब्रुवारी-मार्च 2025 परीक्षेमध्ये वेळेनंतर दहा मिनिटे वेळ वाढवून देण्यात आले आहे. दहावी बारावीच्या परीक्षांमध्ये ज्या परीक्षा केंद्रावर गैरमार्गाचे प्रकरणी आढळून येतील त्या केंद्राची परीक्षा केंद्र मान्यता पुढील वर्षापासून कायमची रद्द करण्याबाबतची कार्यवाही केली जाणार आहे, असे गोसावी यांनी सांगितले.

राज्यात 271 भरारी पथके